Sa datus nga gipagawas sa Expanded National Nutrition Survey miaging tuig adunay 2% o 5.3 million Filipinos ang anaa sa severe food insecurity; 33.4% o 42 million ang anaa sa moderate food insecurity; ug 35% ang walay access nga makakaon og sustansiyado nga pagkaon. Tungod niini, gitutukan karon sa National Nutrition Council - Caraga katambayayong ang City Health Office - Nutrition Division para sa mga lakang ug mga plano aron mas hingpit nga mahatud ang serbisyo ug programa sa tanan kalabot na sa nutrisyon para tanan. Gani, nagpahigayon ang Regional Nutrition Evaluation Team kon RNET og Monitoring and Evaluation sa Local Level Plan Implementation Protocol kon MELLPI Pro. Gi evaluate ang mga implementation ug management sa mga Nutrition Programs sa syudad sa mga miaging tuig. Gi assess usab ang performance sa syudad ug mipaabot og igong mga rekomendasyon ug suhestyon ang RNET aron sa pagpa usbaw sa implementation ug management sa tanang nutrition programs. Ang MELLPI Pro ang mogiya sa palisiya sa mga serbisyo aron mas mahimong epektibo, episyente, ug sustainable ang nutritional services sa syudad. Andam si City Mayor Ronnie Vicente Lagnada nga buhaton ang mga rekomendasyon sa RNET aron mas episyente nga mahatag ang mga programa ug serbisyo kalabot na sa nutrisyon sa syudad sa Butuan.