Gipahigayon miaging semana ang Liga Meeting nga gitambungan sa mga punong barangay ug partner agencies. Kini aron diskusyunan ang mga rekomendasyon sa mga programa ug proyekto sa dugang pagpalambo sa serbisyo sa kabarangayan sa Butuan City. Nag-una sa gihisgutan ang pagpasar sa resolusyon kalabot sa pagmugna sa Liga Composting Facility sa Barangay Aupagan ning syudad asa giaprobahan sa tanan. Nahisgutan sab ang hangyo sa Department of Agriculture Caraga sa tabang sa barangay uban sa mga kabatan-onan kalabot sa pagporma sa usa ka programa sa mga rural youth nga mo-engage sa agriculture ug ang panawagan sa DILG Memorandum kabahin sa Weekly Barkada Clean-Up Activity aron mamintinar ang kahinlo sa palibot sa syudad. Samtang anaa sab ang presensya sa mga personahe sa COMELEC alang sa hisgutanan sa on-going voter registration ug pipila ka personahe sa lokal nga panggamhanan sa Butuan. Kini aron matubag ang mga pangutana sa barangay kalabot sa mga gipatumang programa sa syudad asa unang makabenipisyo ang mga kabataan. Gisiguro ni Liga ng mga Barangay President Tabada nga dunay igong oras ug panahon nga magkatigum matag bulan ang mga barangay alang sa katin-awan sa nag issues ug concerns sa matag barangay uban sa hugot nga suporta ni Mayor Ronnie Vicente Lagnada.