Midonar ang EMCOR uban sa Trimotors ug Jesus V. Del Rosario Foundation Inc. og Emergency Response Vehicle sa lokal nga panggamhanan sa Butuan karon lang buntag. Gidawat ang behikulo ni City Transportation and Traffic Management Department Head Maria Kristina Cassion uban sa mga personahe sa City Procurement Management Department ug City General Services Department sa LGU Butuan. Ang EMCOR usa sa kompanya sa behikulo nga gadonar og mga behikulo sa mga local government unit sa Mindanao isip usa sa legasiya niining makatabang sa daling pagtubag sa emerhensiya. Subay niini personal nga nagpasalamat si CTTMD Head Cassion sa mga kadagkuan sa EMCOR ug partners nga usa ang Butuan City nga nakabenipisyo niini. Ang behikulong model Re Maxima Patrol idumala sa CTTMD.