Nagpagawas na og El Nino alert ang State Weather Bureau PAGASA kagahapon aron abisuhan ang publiko ug mga ahensiya sa panggamhanan sa posibleng epekto niini. Gipasabot sa PAGASA nga kabahin sa natural nga cycle sa panahon ang El Nino. "Recent conditions and model forecasts indicate that El Niño may emerge in the coming season (June-July-August) at 80% probability and may persist until the first quarter of 2024," sumala sa PAGASA. Ang gipagawas nga El Nino alert nagpasabot nga taas ang tsansang mahitabo kini sa mosunod nga duha ka bulan. Pero dili lang tagtuyot (hulaw) ang masinati. Dugang sa PAGASA, samtang magdala og negatibong impact sama sa dry spells ug droughts ang El Nino, makasinati sa above-normal rainfall conditions ang ubang bahin sa nasud panahon sa Habagat. Gi-abisuhan sa PAGASA ang mga concerned government agencies ug ang publiko sa padayong pagmonitor ug mag andam og mga precautionary measures batok na sa mamahimung epekto sa El Nino. Nagpahimangno nang daan ang PAGASA nga labing maapektuhan sa El Nino phenomenon ang Mindanao tungod na sab sa taas nga amount sa tubig ang mawala kung moigo kini.