Napuno sa color pink ang syudad sayo sa buntag sa gipahigayong motorkada para sa kampanya sa Breast Cancer Early Detection Services sa pagsaulog sa Breast Cancer Awareness Month. Gitawag nga PinkTober Month ang bulan sa Oktobre para sa kasaulugan. Ang pagsuot ug pagbutang og pink sa palibot nagpakita og suporta sa mga bravest cancer warriors, survivors, ug advocates atol na sa Breast Cancer Awareness Month. Ang breast cancer ang pinaka common nga cancer sa tibuok kalibutan nga adunay 2.3 million nga bag-ong kaso matag tuig. Ang sakit ang responsable sa usa sa kada napulo nga cancer deaths ug ika tulo sa leading cause of cancer mortality sa Pilipinas. Gihingusgan ang Early Detection Services Campaign tungod pinaagi sa sayo nga detection ug treatment mapasaka ang breast cancer survival rates sa nasud. Hugtanon karong gi-awhag ang mga kababayen-an nga sa sayong panahon pa lamang mag patan-aw na sa istado aron malikayan ang nasangpit nga sakit. Ang kalihukan gipangunahan sa Department of Health - Caraga kauban ang LGU-Butuan pinaagi sa City Health Department. Lakip usab nga partner sa kalihukan ang Central Butuan Rotary Club.