𝗗𝗨𝗛𝗔 𝗦𝗔 𝗚𝗜𝗗𝗨𝗦𝗢 𝗡𝗚𝗔 𝗦𝗣 𝗥𝗘𝗦𝗢𝗟𝗨𝗦𝗬𝗢𝗡, 𝗡𝗔𝗔𝗣𝗥𝗢𝗕𝗔𝗛𝗔𝗡 𝗦𝗔 𝟰𝗧𝗛 𝗦𝗣 𝗦𝗘𝗦𝗦𝗜𝗢𝗡
January 30 2025, Thursday 09:41 AM
Giaprobahan sa tibook pwersa sa Sangguniang Panlungsod ang duha ka Resolusyon kaganinang buntag atol sa natigayong 4th Regular SP Session sa pagpanguna ni Butuan City Vice Mayor Lawrence Fortun.
Kini ang SP Resolution No. 16-142-2025 nga nagtugot kang City Mayor Ronnie Vicente Lagnada pinaagi sa City Government sa Butuan sa pagpirma sa Memorandum of Agreement tali sa Department of Health Center for Health Development DOH-CHD kalabot sa implementasyon sa Clinic Information System (ClinicSys). Kini nga resolusyon gipangamahanan nila City Councilor Eduardo Gonzalez ug Cromwell Nortega.
Lakip usab nga naaprobahan ang resolusyon isip pag ila sa mga top-performing barangays sa syudad sa Butuan nga naningkamot sa pagpatuman sa mga programa panahon sa 3rd quarter tuig 2024. Kini gilangkuban sa Barangay Kalinisan Day (BarKaDa) program, Halina't Magtanim ng Prutas at Gulay (HAPAG) project ug ang Barangay Road Clearing Operations (BarRCO). Kini nga resolusyon gipangamahanan ni Liga ng mga Barangay President Gemma Tabada.
Ang mga giduso nga resolusyon ug ordinansa sa mga miyembro sa SP miagi sa striktong diskusyon ug pagsusi alang sa hapsay nga pagpatuman niini.
NEWS ARTICLES