Aprobado na sa 3rd ug final reading ang SP Ordinance no. 16-054-2024 o mas naila nga Investment and Incentives Code sa Butuan City ug SP Ordinance no. 16-108-2024 nga pagmugna og Butuan City Film Development Council. Ang Investment and Incentives Code sa Butuan City mao ang magpakusog sa strategic policy development nga mahimung tinubdan ug promosyon sa economic growth ug maka-engganyo sa pagpadagsa sa investors sa dakbayan sa Butuan. Samtang ang Butuan City Film Development Council mao ang mamahimong tulay alang sa pagpalapad sa suporta ug promosyon sa mga programa alang sa local film industry ug educational development sa syudad sa Butuan. Kini nga mga ordinansa gipangamahanan nila City Councilor Cherry May Busa ug City Councilor Joseph Omar Andaya uban sa hiniusang pwersa sa 16th Sangguniang Panlungsod sa pagdumala ni Butuan City Vice Mayor Lawrence Fortun.