Dakung garbo sa Caraga State University sa dakbayan sa Butuan nga duha sa migradwar nilang mga estudyante nahimung topnotcher sa bag-uhay lang migawas nga resulta sa September 2024 Licensure Examination for Social Workers. Top 6 si Sigfrid Garwil Bugas ug Top 8 si Kimberly Piadoche. Ang kalampusan gisuportahan sa 101 ka dugang mga bag-ong rehistradong Social Workers gikan sa CSU human nakapasar sa exam gikan sa 7,113 ka mga examinees. Tungod niini, nahimung 2nd Top Performing School ang CSU sa nasangpit nga programa sa tibuok nasud nga dunay 99.02% passing rate.