Gipasidunggan sa lokal nga panggamhanan sa Butuan ang duha ka Butuanong Topnotcher atol sa natigayong flag raising ceremony kagahapon sa City Hall grounds. Gidawat ni Harvey Abiagador ug Mariel Cenangote ang medalya ug tag 10,000 pesos nga cash incentives gikan sa LGU Butuan. Nakuha ni Abiagador ang 10th Place sa Licensure Examination for Electronic Engineer ug si Cenangote 10th Place sab sa Licensure Examination for Professional Teachers nga parehong produkto sa Caraga State University. Ang insentibo nga nadawat ilawom sa SP Ordinance No. 5545-2018 o An Ordinance Granting Medals of Academic Excellence and Cash Incentives to Butuanon Graduates Who Made it to the Top Ten List of Passers in the Licensure Examinations Administered and Regulated by the Philippine Government, and for Other Purposes. Gipangunahan ang pag hatag sa pasidungog nila Konsehal Joseph Omar Andaya isip Chairperson sa Committee on Education, Culture, Arts and Heritage, City Administrator Atty. Joseph Ian Sabado, City Legal Head Atty Cisco Franz Maclang, ug City Education and Development Department Head Rosalito Libres.