Malampuson nga napahigayon sa City Public Information Office ang duha ka adlaw nga Strategic Planning for Social Media Focal Person sa mga nagkadaiyang buhatan sa lokal nga panggamhanan sa Butuan, Disyembre 11 ug 12 sa Carmen Hall, Almont Inland Resort ning syudad. Deysi nuebe ka focal person ang nisalmot sa unang adlaw ug bainte siete sa ikaduhang adlaw. Gipasabot sa mga focal person ang Administrative Order asa nabutang ang papel isip usa ka focal person nga maggunit sa social media platforms sa ilang mga opisina. Gipresenta sab ang schedule of activities sa mga buhatan lakip na kung unsa nga mga communication tool nga ilang kinahanglang gamiton para ma promote ang ilang mga kalihukan. Gawas niini, gibutang sab sa mga focal person ang mga trainings nga ilang gikinahanglan para sa epektibo nga komunikasyon sa ilang opisina ug mapaabot ang programa ug aktibidad nga gihatag sa Lokal nga Panggamhanan sa Butuan alang sa katawhan sa syudad. Ang nasangpit nga inisyatibo gibuhat aron mapalig-on ang komunikasyon sa matag opisina ug mahandle og tarong sa focal person ang tanang social media platforms nga mahimong tulay para matubag ang mga pangutana ug mapaabot sa katawhang Butuanon ang tanang nag unang impormasyon.