Giduso ni Congressman Jose Aquino ll ang dugang pondo alang sa konstruksyon sa 4-storey school building sa Agusan National High School sa syudad sa Butuan. Kini atol sa natigayong Budget Deliberation sa Department of Education. Subay niini, gipaniguro ni DepEd Secretary Sonny Angara kang Congressman Aquino nga anaa kanunay ang iyang suporta sa proyekto alang sa Butuan City. Atol sab sa deliberation gipahibalo ni Congressman Aquino ang natigayong pinirmahay sa Memorandum of Agreement miaging tuig tali na sa DepEd ug Lokal nga panggamhanan sa Butuan sa pinaagi ni Mayor Ronnie Vicente Lagnada alang sa pagdonar og luna sa lokal nga panggamhanan sa Butuan aron tukuran sa nasangpit nga school building asa ang DepEd na ang muhatag sa pondo o magtukod sa nasangpit nga gambalay.