Mibisita si Department of Trade and Industry Undersecretary Mary Jean Pacheco sa lokal nga panggamhanan sa Butuan ug mi courtesy call kang Butuan City Mayor Ronnie Vicente Lagnada, miaging semana sa CMO, City Hall Building, ning syudad. Gitimbaya ni Undersecretary Pacheco ang nakab-ot nga 92% sa mga patigayon nga naka renew sa ilang permit nga nag pa matuod nga na sustain ang mga negosyo sa syudad. Nakita ni Undersecretary Pacheco nga halapad ang mga materyales nga makita sa Caraga aron mo produce og mga nagkadaiyang produkto. Makita sa rehiyon ang mga raw materials nga mobuhat sa mga partikular nga produkto. Gibida ni Mayor Lagnada ang kaya nga buhaton sa Caraga tungod basi sa gipahigayon nga study diri sa rehiyon sa mga Japanese nga partner sa LGU-Butuan nga halapad ang produkto nga mabuhat ilawom sa food and wood industry. Labing gitagaan og gibug-aton ni Mayor Lagnada ang mabuhat sa rehiyon kung tagaan og igong pagtagad ang food and wood industry. Kanunay na usab ang pakigtambayayong sa syudad sa Butuan sa mga silingang munisipalidad ug syudad aron sa pagmugna og development plan para sa Caraga. Andam ang Butuan City nga mahimong hub of opportunities sa rehiyon. Padayon usab ang plano sa syudad sa pagmugna og Ports, Airport, University Towns for Education, ug uban pang kalamboan. Kauban sa courtesy call si DTI Regional Director Gay Tidalgo ug DTI Provincial Director Lorijane Sacote kauban ang mga personahe sa ahensya.