Gipangandaman na sa Department of Trade and Industry ang kasaulogan sa Consumers Welfare Month sunod bulan. Pinaagi sa usa ka coordinating meeting nahisgutan sa Department of Trade and Industry kun DTI - Agusan Del Norte ang calendar of activities ug ang responsibilidad sa matag opisina aron mahimong malampuson ang umaabot nga kasaulugan. Daghan sa mga partner government line agencies ug opisina sa lokal nga panggamhanan ang anaa sa panagtigom. Gawas sa Consumer Welfare Month, dungan sab iselebrar ang kick off sa Senior Citizen Week nga ginasaulog matag unang semana sa Oktobre. Gilauman sa kick-off nga dunay fun walk gikan sa Guingona Park padulong sa Riverpark ug didto na himoun ang Zumba ug opening program sa Consumer Welfare Months ug Senior Citizen Week. Ang nasangpit nga pagpangandam gihimu para mahimong hapsay, luwas, ug malampuson ang kinatibuk-an nga selebrasyon labi pa nga daghan nga partisipante ang mosanong sa nasulti nga aktibidad.