Nagpahigayon og 2025 Stakeholders Forum and Department of Trade and Industry Caraga kun DTI – Caraga sa Watergate Hotel and Convention kagahapon. Nisalmot ang managlahing representante gikan sa media, partner agencies, consumer organizations, industry group, civil society organizations, local government units ug uban pa. Gi-presenta ni DTI Caraga Regional Director Gay Tidalgo ang nahimong kalampusan sa DTI miaging tuig lakip na ang ilang lakang ug inisyatibo para matabangan ang mga negosyante sa tibouk rehiyon. Nahatagan sab og higayon ang mga partisipante nga makapangutana pinaagi sa usa ka open forum. Mapasalamaton ang DTI Caraga sa gihatag nga higayon sa mga partisipante sa pag tambong sa 2025 Stakeholders Forum para mapakita ang dakung kalampusan sa ahensya asa nakabenepisyo ang mga negosyante, konsumante, ug kinatibuk-an nga industriya sa Caraga Region.