Nakigpulong kang Mayor Ronnie Vicente Lagnada ang mga opisyales sa Department of Social Welfare Development DSWD sa City Mayors Office miaging semana. Kini sa tumong nga pagpalig-on sa disaster response capabilities sa mga stakeholders sa Mindanao. Anaa ang presensya ni Undersecretary for Disaster Response Management Group (DRMG) Dr. Diana Rose Cajipe, Special Assistant to the Secretary sa DRMG Leo Quintilla, Chief Administrative Officer for the National Resource and Logistics Management Bureau Engr. Irish Flor Yaranon ug kauban ang Field Office Caraga officials sa pagpanguna ni Asst. Regional Director for Operations Jean Paul Parajes ug Disaster Response Management Division Chief Aldie Mae Andoy. Sentro sa meeting ang update sa itukod nga Mindanao Disaster Resource Center kun MDRC sa Barangay Pinamanculan ning dakbayan. Napili sab ang Butuan City nga tukuran sa maong proyekto tungod gikonsidera kining sakto ang lokasyon isip disaster resource center gumikan nahimutang kini nga strategic geographical asa dunay plastadong dalan nga nagkonektar sa lain-laing probinsya Mindanao. Napili ang maong barangay tungod accessible kini sa parehong Butuan City Airport ug duol sa Masao Port sa syudad. Kini nga proyekto mao ang magsilbing central hub alang sa pagtubag sa mga emerhensiya ug pagpahigayon sa mga relief operations asa tibook rehiyon sa Mindanao ang maserbisyuhan. Nagpasalamat ang mga bisita kang Mayor Lagnada sa hugot nga suporta ug partnership sa proyekto nga mao ang magpalig-on sa disaster response capabilities asa posibleng sugdan na karong tuiga.