Natapos na ang season sa Northeast Monsoon o Hanging Amihan. Nagpasabot kini nga wala na pud ang Shear Line. Sumala sa Philippine Atmospheric, Geophysical and Astronomical Services Administration (PAGASA), ang dry season laumang molungtad hangtud bulan sa Mayo. Bulan sa Octobre na sab mobalik ang Hanging Amihan. Easterlies ug Localized Thunderstorms ang mopatigbabaw nga weather systems sa rehiyon sa Caraga hangtud Mayo o Hunyo. Luyo niini, makasinati gihapon og mga pag-ulan tungod kay wet/rainy season man sa tibook tuig sa rehiyon sa Caraga. Posible gihapon ang pagkaporma sa mga LPA ug bagyo. Mi-abiso ang PAGASA sa publiko sa mga lakang aron mamenusan ang heat stress ug ma optimize ang inadlawng paggamit sa tubig alang sa personal ug domestic consumption.