Naghatag lingaw ang presentasyon sa Libertad National High School SPA Music and Theater Arts sa ikaduhang adlaw sa Festival of Talents sa River Park, ning syudad, Sabado. Gipakita sa mga estudyante ang ilang performance nga gitituluhang Litrato pinaagi sa usa ka drama ug awit. Nalingaw ang tanan sa dagan sa istorya nga gipakita sa Libertad National High School SPA Music and Theater Arts. Nahugyaw ang lugar sa gipakitang performance sa mga estudyante nga gisugdan sa usa ka historical nga timeline hangtod sa present time nga konektado ang istorya. Ang tibuok performance gipaagi sa usa ka drama ug awit. Makita usab sa lugar ang init nga suporta sa mga kaubanang magtutungha, magtutudlo, higala, pamilya, ug mga tawo sa palibot nga milaag sa River Park. Giawhag ang tanan sa pag bisita sa River Park karong gabie tungod magpadayon ang Festival of Talents kong asa aduna na usab laing tulunghaan ang mag pakita og talento ug gilas. Molungtad ang Festival of Talents hangtud Mayo 12.