Pormal nang giturn-over sa Department of Health Center for Health Caraga ang duha ka unit sa Ambulance sa lokal nga panggamhanan sa Butuan pinaagi sa City Health Department miaging semana. Sumala sa CHD kini nga mga ambulansya dakung tabang sa katawhan sa Butuan aron matubag ang urgent medical emergencies padulong hospital. Kini nga inisyatibo nahimong posible gumikan sa lig-on nga pagtambayayong sa LGU Butuan pinaagi ni Mayor Ronnie Vicente Lagnada ug tibook pwersa sa Sangguniang Panlungsod ug Regional Agencies aron makabenipisyo ang katawhan sa syudad sa Butuan sa nagkadaiyang programa. Ang pagdonar sa 2-unit ambulance pinasubay sa SP resolution no. 078-2025 nga pagtugot kang Mayor RCL pinaagi sa LGU Butuan sa pagpirma sa Deed of Donation tali sa DOH-CHD.