Dise sais ka Barangay ang malampusong gi-validate miaging semana para sa ilang entry sa Barangay Reading Incentive Program. Tagsa-tagsa nga gipangutana ang mga Barangay Reading Center Focal ug Kapitan sa matag Barangay kalabot na sa ilang programa ug aktibidad para ma serbisyohan ang ilang katawhan pinaagi sa Barangay Reading Center. Gilangkuban ang dise sais ka barangay sa: Barangay Rajah Soliman, Barangay Golden Ribbon, Barangay Pigdaulan, Barangay Don Francisco, Barangay Maguinda, Barangay San Mateo, Barangay Dankias, Barangay Bonbon, Barangay Santo Niño, Barangay Baobaoan, Barangay Taguibo, Barangay Basag, Barangay Antongalon, Barangay Baan Km.3, Barangay Tiniwisan, ug Barangay Maug. Ang Barangay Reading Incentive Program ubos sa mandato sa Republic Act No. 7743 o An Act Providing for the Establishment of Congressional, City and Municipal Libraries and Barangay Reading Centers Throughout the Philippines Appropriating the Necessary Funds Therefor and for Other Purposes. Mao sab kini ang pinakauna nga incentive program alang sa mga Barangay Reading Center kun BRC para madayeg ug ma sustenar ang BRC sa mga Barangay. Gilauman nga ang makadaog sa Barangay Reading Incentive Program makadawat og cash prize ug certificate.