Natapos na ang Digital Literacy Training series alang sa ikaduhang batch sa mga empleyado sa lokal nga panggamhanan sa Butuan sa Butuan City Library miaging semana. Gihatag sa mga empleyado ang Computer Fundamentals and Working Tool Application. Pinaagi sa training, makat-onan sa mga empleyado ang proseso gikan sa fundamental level hangtud na sa advance level. Ang mga personahe sa CICTO mihatag sa mga angay mahibaloan ngadto na sa Microsoft Productivity Tools nga gilangkuban sa Microsoft Word, Microsoft Excel, ug Powerpoint. Buot ni Butuan City Mayor Ronnie Vicente Lagnada nga ma capacitate ang mga personahe sa CGB ug mas mapa usbaw ang digital awareness sa mga personahe. Ang Digital Literacy Training Series gipangunahan sa City Human Resource Management Office kon CHRMO ug City Information and Communications Technology Office kon CICTO.