𝗗𝗜𝗚𝗜𝗧𝗔𝗟 𝗔𝗚𝗥𝗜𝗖𝗨𝗟𝗧𝗨𝗥𝗘 𝗚𝗜𝗧𝗨𝗗𝗟𝗢 𝗦𝗔 𝗠𝗚𝗔 𝗠𝗔𝗚-𝗨𝗨𝗠𝗔 𝗦𝗔 𝗕𝗔𝗥𝗔𝗡𝗚𝗔𝗬 𝗕𝗔𝗔𝗡 𝗞𝗠𝟯
September 18 2023, Monday 01:37 PM
Gitudlo sa mga mag-uuma sa Barangay Baan Km3 nga myembro sa Barangay Baan Integrated Farmers Association kun BBIFA Inc. ang bag-ong teknolohiya nga paagi sa panguma nga Digital Agriculture sa pagtinabangay sa city government sa Butuan pinaagi sa City Agricultures Office ug Agricultural Training Institute DA-ATI Caraga.
Tinguha niini nga maka connect ang mga grupo sa mag-uuma kabahin sa Digital Agriculture Service Providers sama sa drone technology services nga naglangkob sa seed, fertilizer ug pesticide spraying apil na ang satellite mapping alang sa nutrients ug health management sa uban pang tanum.
Ang kalihukan suportado ni Mayor Ronnie Vicente Lagnada uban ni Liga President Gemma Tabada asa gipasiugdahan pinaagi sa Digital Farmers Program sa nasangpit nga ahensya nga nagtinguha sa mas sayon ug dali nga paagi sa pag-ugmad sa kaumahan.
Gilauman nga sa umaabot nga panahon makaangkon na ang mga mag-uuma sa syudad og mga gamit subay na sa modernong teknolohiya nga makasuporta sa panginahanglanon pinaagi usab sa tabang sa national government tungod usa kini sa makapakunhod sa oras ug gasto.
NEWS ARTICLES