Mibisita sa lokal nga panggamhanan sa Butuan si Department of Human Settlement on Urban Development DHSUD Regional Director Cristie Reyes, Enp uban nila Urban Planning and Development Bureau ELUPDB Director Mylene Rivera, Enp CESO III, Consultant Ar. Maria Therese Quimpo, Enpug ubang regional directors ug academe. Mismong si Mayor Ronnie Vicente Lagnada ug City Councilor Rey Desiata, Committee Chairperson sa Urban Planning and Infrastructure ang mi-abi abi sa mga bisita. Sa meeting gihisgutan ang Urban Planning o City Planned Unit Development ug pag develop sa master plan alang sa bag-ong University Town gikan Barangay Tiniwisan padulong Barangay Ampayon ug ang proposed Agro Processing Special Economic Development Zone sa Barangay Taguibo ning syudad. Gisiguro sa duha ka panig sa lokal nga panggamhanan sa Butuan pinaagi ni Mayor Lagnada, Komitiba ni Konsehal Desiata ug DHSUD sa pagtinabangay sa daghang urban development sa syudad. Present sab sa meeting City Planning and Development Department Head Engr. Iris Joy Canete Galaura ug City Administrator Joseph Ian Sabado.