Gitanyag karon sa City Health Deparment kon CHD ang mga lakang aron malikayan ug mapa ubos ang kaso sa dengue sa syudad. Gi bisita ang purok ug nagbalay-balay sa matag barangay kauban ang mga Barangay Health Workers kon BHW aron mahatagan og igong kaalam ang mga residente kalabot na sa Dengue. Gipangunahan sa CHD pinaagi sa Libertad Health District Zone kauban ang mga Barangay Health Worker sa pag balay-balay sa mga barangay ilawom sa distrito niini. Gikalipay sab sa CHD ang hugot nga suporta nga gihatag sa konseho sa barangay. Suportado sa tanan ang anti-dengue clean up drives ug information campaign kalabot na sa dengue. Nanghatag og flyers, nag conduct og information campaign, lakip na ang Oplan Taub, ug ang Fogging sa uban barangay aron makab-ot sa syudad ang pag ubos sa kaso sa dengue sa syudad. Giawhag ang katawhan sa pagsunod sa 5S Strategy: Search and destroy mosquito breeding places, Secure self-protection, seek early consultation, Support fogging and spraying, ug ang Sustain hydration. Mandato sa publiko nga makigtambayayong sa mga panawagan sa barangay kalabot na niining Dengue ug siguraduhon nga kanunay nga hinlo ang palibot sa sa panimalay aron hugtanong malikayan ang kaso sa dengue. Likayan sab ang pag-ipon og tubig tungod kini ang himuong breeding site sa mga lamok.