Gimonitor sa lokal nga panggamhanan sa Butuan ang delivery ug commitment sa mga vegetable farmers sa syudad. Gani, gitagbo sa City Agriculture and Veterinary Department kun CAVD ang nagkadaiyang Vegetable Farmers sa syudad sa Butuan sa DOP Building Barangay Tiniwisan ning syudad, Abril tres. Pinaagi niini, striktong mamonitor ang mga mag-uuma sa commitment ug delivery niini sa Agriboost Project pinaagi sa pagtan-aw sa baseline income survey, farmers delivery review, andam sab maminaw ang nasangpit nga buhatan sa nagkadaiyang issues ug concerns kalabot sa palisiya ug operasyon sa proyekto ug uban pa. Gihimo ang binulan nga panagtagbo ug panagtigum sa mga vegetable farmers aron personal makuha ug masayran ang data ug profiling sa mga mag-uuma asa nakabenipisyo sa agriboost project nga usa sa prayoridad ni Mayor Ronnie Vicente Lagnada. Gawas sa panagtigum gisiguro sab sa mga agricultural technical ang pagpahigayon og site visit sa tagsa-tagsang area sa mga mag-uuma alang sa pagmonitor sa tanum ug paghatag sa technical advise niini.