Nahidangat na kaganinang sayo sa buntag sa Cebu City ang delegasyon sa rehiyon sa Caraga alang sa ipahigayong Palarong Pambansa 2024. Ang nahilakip sa delegasyon andam na nga mopakita sa ilang tagsa nga abilidad, determinasyon ug dedikasyon sa natad sa sports. Diretso na ang delegasyon sa ilang billeting venue human ang dose ka oras nga byahe sa lawod. Kagahapon sa hapon, migikan ang delegasyon sa pier sa Nasipit, Agusan del Norte. Magsugod ang 64th Palarong Pambansa karong July 6, adlawng Sabado.