Andam na ang kinatibuk-ang delegasyon sa Butuan para sa Caraga Regional Athletic Meet kun CRAM 2023. Dunay 353 ka mga secondary athletes, 253 sa elementary, ug 117 ka mga delegation officials gikan sa Butuan City Ang Training Director nga si Emelio Makiling, gikan pa nag bisita sa mga lugar kung asa kamulo nag praktis ang mga atleta. Sumala niya bisan nga dunay gamay nga mga kakulian apan manageable lamang kini. "Ang preparasyon nato para sa regional meet, so far maayo man. Ang tanan naka in house na ug on-going ang training" sumala ni Emelio Makiling, Training Director. Si Clent Ulysses Sumayo nga taga Agusan National High School kamulo na ang pagbansay sa dulang Arnis. Nipailawom sila sa training sama na sa conditioning, cardio exercise ug strength exercise. Admitado siya dunay hagit isip usa ka athlete apan positibo lamang siya sa iyang panlantaw nga mahimong magmadaogon. "Challenges, kanang kakapoy sa training, especially kanang sayo me mang mata tapos dugay maka tulog kay mag focus sa training. Gi overcome nako ni kay nag huna-huna rako sa kadaugan. Naghuna-huna rako nga mao ni ang kinahanglan para mo daog" pahayag ni Clent Ulysses Sumayo, atleta. Hugot ang suporta sa lokal nga panggamhanan sa Butuan sa delegasyon sa Butuan.Gipanghinaut sa LGU nga magdala og dungog ang mga atleta sa ilang pakigsangka sa CRAM 2023. Pormal nga ablihan ang CRAM 2023 karong Abril 23, adlawng Dominggo sa Caraga State University-Cabadbaran Campus, Cabadbaran City. Molungtad ang CRAM 2023 sa Abril 28, 2023.