Giila sa Department of Agriculture-Philippine Rice Research Institute ang lokal nga panggamhanan sa Butuan pinaagi sa City Agriculture Office sa malampuson ug malahutayong pagpatuman sa pagpanghatag og certified rice seeds sa rice farmers ilawom sa RCEF Program. Gani isip Excellence Awardee Implementation of Rice Competitiveness Enhancement Program Seed Component nadawat sa City Agriculture Office ang Special Citation Award gikan sa DA-RCEF miaging semana. Ang nasangpit nga probisyon sa certified seeds suportado ni Mayor Ronnie Vicente Lagnada alang sa pagpalambo sa kita sa mga mag-uuma pinaagi sa pagpadako sa produksyon nga menus ang gasto. Sumala ni City Agriculturist Engr. Pierre Anthony Joven sa 37,000 hectares agricultural land sa syudad sa Butuan 8,600 hectares niini allocated for rice production tungod sa kalapad sa area ug isip highly urbanized city usa sa dakung producer sa humay ang syudad sa Butuan.