Nagcourtesy visit ang mga opisyales sa Development Bank of the Philippines DBP kang Butuan City Vice Mayor Lawrence Fortun kaganina. Sa meeting mipadayag ang DBP officials sa dakung pasalamat sa City Government sa Butuan sa padayong partnership ug kolaborasyon sa pagpatuman sa nagkalain-laing programa ug pagpadali sa development initiatives. Dinhi gipahibalo sab sa DBP Officials ang vital role sa mga financial institutions aron masuportahan ang local governance labi na ang pagpatuman sa infrastructure projects ug economic initiatives nga parehong nagtinguha sa malungtarong kalambuan alang sa mga Butuanon ug syudad sa Butuan. Ang mga opisyales sa DBP gilangkuban nila Senior Manager Jonathan Mundo – Head, Butuan Branch, Senior Vice President Carolyn Olfindo - Head, Branch Banking Sector, Manager Anna Rhea Lavarez - Technical Assistant, Mgr. Jerome Guilot - Account Officer, Butuan Lending Center ug Vice President Mary Joyce Salgados - Head, Branch Banking Group Northern Mindanao. Samtang mipadayag sab sa pasalamat si Vice Mayor Fortun sa pagsalig ug suporta sa mga financial institutions sa city government sa Butuan tungod usa kini sa dunay dakung kontribusyon sa gipatumang mga programa ug proyekto sa dakbayan sa Butuan.