Gi presenta sa Father Saturnino Urios University pinaagi sa Data Science and Analytics Center kon DSAC ang System Development Project kang Butuan City Mayor Ronnie Vicente Lagnada. Partner sa LGU-Butuan ang DSAC sa Data Analysis and Analytics System Development sa mga serbisyo sa syudad. Tumong sa proyekto nga mahatagan og fast-generating data analytics nga suporta sa data-driven solutions sa mga Butuanon. Ang proyekto makahatag og suporta sa social welfare services sa mga Senior Citizen sa Butuan City. Pinaagi niini dali nalang makuha sa mga stakeholders ang mga impormasyon nga mamahimo nilang gamiton para sa mga itanyag nga mga programa ug serbisyo. Gibida usab sa DSAC nga ang proyekto maghatag og real-time information system sa mga registered senior citizen. Anaa sab diri ang real-time analytics isip tubag sa episyente ug epektibo nga decision-making. Gani usa kini ka centralize information system ug usa ka inventory ug monitoring system para sa LGU-Butuan ug stakeholders niini. Mahinungdanon kini alang sa City Social Welfare and Development Office ug sa Department of Social Welfare and Development Office para sa information system aron sa profiling sa mga benepisyaryo lakip na ang pag monitor ug pag evaluate ilawom sa ilang mga programa ug serbisyo. Pinaagi usab sa nasangpit nga proyekto ma track na sa City Health Office ang delivery sa primary healthcare services niini. Sumala pa ni Butuan City Mayor Ronnie Vicente Lagnada nga daku kining tabang sa Lokal nga Panggamhanan sa Butuan tungod magamit kini sa pag proseso ug analisa og datos para sa decision making, policy formulation, implementation, project development ug execution.