Nasemento na ang dalan sa Malalag, Barangay Libertad ning syudad. Gani, mapasalamaton ang motorized tricycle driver nga si Alex Liangga nga konkreto na ang dalan sa Malalag. “Dako kaayong tabang sa panginabuhian sa mga tawo diri di kay ang tanan nalipay gyod kay maayo na ang pag agi dili na lapok di pareha sa una grabe gyod kalapok dinhi,” sumala ni Alex Liangga. Dugang pa niini, kaniadto mag pakyaw pa ang mga pasahero aron lang makalabang sa kalapokan apan karon hayahay na og minus na ang gasto sa byahe sa mga residente. Ang pagpangsemento sa dalan sa Malalag Barangay Libertad gipatuman sa city government sa Butuan pinaagi sa City Engineering Department ilawum sa programang Inprovement of Various Rural Roads in Butuan City Cluster II nga usa sa prayoridad ni Mayor Ronnie Vicente C. Lagnada.