Pinaagi sa Food Truck Bazaar nahatagan og higayon ang Micro, Small and Medium Enterprise sa syudad sa Butuan nga mag display ug ipasundayag ang ilang produkto dinhi sa Cityhall Grounds. Gani, pormal nga gisugdan ang Food Truck Bazaar kagahapon sa buntag. Gilangkuban kini sa Plated Cafe and Bistro, Tipsy Spot, ug J and J Isaw and Buko. Gipaabot ni Atty. Noel Ephraim Antigua, representante ni CTIIPO Head Maria Kristina Cassion, nga mao kini ang ikatulong hugna sa iteration sa food bazaar nga gipangunahan sa City Trade, Industry and Investment Promotion Office kun CTIIPO para makakuha og ideya sa angayang buhaton kung ugaling duna nay Night Market ang syudad sa Butuan. Gawas niini, mahimamat og personal sa mga personahe sa CTIIPO ang mga MSME lakip na ang mga kliyente niini nga makakuha og input para matabangan og palambo ang produkto sa mga MSME. Gipahayag sa taga CTIIPO nga abli ang ilang opisina sa mga buot pang mosalmot sa Food Truck Bazaar. Ang Food Truck Bazaar molungtad hangtud Setyembre 29, 2023. Suportado sa mga Department Heads sa Lokal nga Panggamhanan sa syudad sa Butuan ang natigayong aktibidad nga maoy nanguna og pamalit sa mga produkto.