Pormal nga gipahigayon ang pinirmahay sa Memorandum of Agreement tali sa Caraga State University ug Davao Regional Medical Center, Setyembre 25 sa House of Representatives nga may kalabutan sa pagtambayayong sa CSU ug DRMC pag abot sa Medical Training sa College of Medicine sa CSU. Nakalatid sa MOA nga gipirmahan nila CSU President Dr. Rolyn Daguil ug DRMC Center Chief Dr. Bryan Dalid nga ang CSU ang responsable sa curriculum ug instruction sa Doctor to Medicine Program samtang ang DRMC ang gitahasang manguna isip based training hospital aron mahatag ang medical ug clinical training sa mga medical students sa CSU. Ang nahimung lakang pinaagi sa paningkamut ni First District Agusan del norte Representative Jose Aquino II, Caraga State University CSU ug Davao Regional Medical Center. Subay niini mipadayag sa iyang kalipay si Congressman Aquino ug nagpasalamat sa tanang nagpaluyo sa proyekto aron malampusong mapalambo ang edukasyon sa rehiyon pinaagi sa pagpataas sa ihap sa mga physician ug mapatas-an ang kalidad sa health services sa mga Caraganons ilabina sa marginalized sector. Personal sab gipadungog ni Congressman Aquino ang iyang dakong pasalamat sa walay pu-as nga suporta nila House Speaker Martin Romualdez ug SAP Antonio Lagdameo sa iyang ligasiya nga makatabang ug mapalambu sa rehiyon. Ang pinirmahay gisaksihan ni House Speaker Ferdinand Martin Romualdez, Special Assistant to the President Antonio Lagdameo Jr., Senior Deputy Speaker Aurelio Gonzales Jr., Majority Leader Manuel Jose Dalipe, Representative Jurdin Jesus Romualdo, Representative David Suarez, Representative Johnny Pimentel, Representative Rodante Marcoleta, Secretary General Reginald Velasco, DOH Secretary Teodoro Javier Herbosa, Presidential Legislative Liaison Officer Secretary Mark Llandro Mendoza, CHED Commissioner Jo Mark Libre, President Special Assistant Usec. Joahna Paula Domingo, DOH Usec. Abdullah Dumama Jr., ug uban pang staff sa CSU ug DRMC.