Gi-ila sa Sangguniang Panlungsod Butuan ang mabayanihong buhat sa usa ka First Year Criminology Student nga si Rindyl Ray Lolo nga paspas mi-rescue sa usa ka indibidwal human aksidenteng nahulog sa kanal sa may J.C Aquino Avenue ning syudad. Subay niini giduso ni City Councilor Ehrnest John Sanchez ang SP Resolution no. 16-168-2024 isip pagsaludo ug pag-ila sa gipakitang kaisog ug mabayanihong buhat ni Lolo. Sa nasangpit nga resolusyon nakalatid ang paghangyo sa SP members kang Mayor Ronnie Vicente Lagnada ang pag aproba ug pagkonsidera sa paghatag og insentibo kang Lolo.