Nahimong malampuson ang unang adlaw sa Creative Caraga Festival nga gibuksan kagahapon sa South Atrium, Robinsons Place Butuan. Ang Creative Caraga Festival usa ka platform asa mapakita sa katawhan gikan sa tibouk Caraga Region ang managlahing artists gikan sa siyam ka domains pinaagi sa mga exhibit nga gibutang sa lugar. Makita ang crafts, painting, images, mga application, ug mga local foods sa rehiyon. Sa mensahe nga gipaabot ni DTI-Caraga Regional Director Gay Tidalgo, nga ang pag mugna sa nasangpit nga aktibidad usa ka pamaagi sa pagsuporta ug paghatag og commitment sa mga managlahing artist sa rehiyon. "It is with great pleasure and immense pride that I welcome you all to the first ever Creative Caraga Festival organized by the Department of Trade Industry-Caraga. This festival is a beacon of creativity, innovation, and cultural celebrations within our beloved region. At the heart of our gathering, lies a profound commitment to nurturing and advancing the creative industries in our region,” Gibutyag sab ni RD Tidalgo nga duna nay balaod nga nag suporta sa mga artist sa nasud. "The commitment is rooted in the recently enacted Philippine Creative Industry Development Act, so dear artist dili na gyud mo magoul kay there is a law, there is a law enacted just for you to develop you, or help you develop,” dugang pamahayag ni RD Tidalgo. Atol sa unang adlaw gipahigayon sab ang Ceremonial Expression of Commitment for the Development of the Creative Industry in Caraga asa dunay puzzle nga "Creative Caraga Festival" nga kinahanglan pormahon sa taga DTI Caraga kauban sa mga representante gikan sa siyam ka domains. Ang pagbuhat niini gibuhat isip pag-ila sa kamamugnaon sa Caraga ug sa pagsuporta niini sa umaabot nga ka tuigan. Gawas sa taga DTI-Caraga anaa sab ang mga representante gikan sa lain-lain nga syudad ug munisipyo. Anaa sab ang presensya ni Caraga ICT Council Konsehal Cherry May Busa nga mipakita og suporta sa siyam ka domains sa Creative Caraga Festival. Ang aktibidad molungtad hangtud ugmang adlawa Pebrero 22. Gi-awhag ang katawhan sa pag bisita sa booths sa siyam ka domain para makita ang creativity sa mga artists sa Caraga.