Onse ka mga contestants ang misalmot sa Higante-Higante Competition 2024, adlawng Biyernes sa Barangay Libertad ning syudad. Gideklarang First Place ang Contestant Number 5 KHA Peteren sa Sto. Niňo Image Higante-Higante nga nakadawat og cash prize nga 80 thousand pesos, Second Place ang contestant 9 BAHANDI nga nakadawat og 60 thousand pesos ug Third Place ang contestant 4 Singles for Christ nga nakadawat og cash prize nga 50 thousand pesos. Samtang nakadawat og tag 10 thousand pesos ang ubang contestant isip consolation prize nga gilangkuban sa Contestant 2 Purok 2 Libertad Butuan City, Contestant 3 Barangay Nongnong, Contestant 6 Hello Kitty Designers, Contestant 7 Sanggunian Kabataan ng Barangay Bonbon, Contestant 8 Knights of the Altar, Contestant 10 Purok 5 Damayan Chapel, Contestant 11 Libertad Fisher Folks ug Contestant 12 ISKP Dumalagan. Sumala ni Rev. Msgr. Porfirio Colon Jr., PC Parish Administrator ang mga kalihukan nga nasaksihan sa tanan usa sa pagpadayag sa pagtuo isip mga Katoliko ug nanghinaut kini nga makadugang ug makapalawom kini sa pagtuo sa ginoo pinaagi sa pagtahod ug pagtinabangay sa matag usa. Samtang sa mensahe si Rev. Fr. Ricky Amante kini nagkanayon nga importante ang pagpaubos sa usa ka tawo sa unsa mang sitwasyon. Suportado ni Mutya Hong Butuan 2023 Shayne Mellijor ang kalihukan aron mapromote kini ug makadasig sa tanan nga makigduyog sa kapistahan ni Sr. Sto Niňo. Samtang, mipasundayag usab sa kompetisyon ang mga midaug sa Mini Kahimunan 2023 ang Sidlak Dance Troupe, San Roque Chapel Malalag ug ang Hugyaw Dance Community Bonbon isip pasalamat ug pagdasig sa mga bisita nga nakigduyog sa mga kalihukan sa simbahan. Mipaabot sab sa dakong pasalamat ang mga kadagkuan sa Sto Niňo Diocesan Shrine sa lokal nga panggamhanan sa Butuan pinaagi ni Mayor Ronnie Vicente Lagnada sa hugot nga suporta niini sa kalihukan gikan sa Mini Kahimunan hangtud sa Higante-Higante Competition 2024. Kini nga mga kalihukan kabahin sa pagsaulog sa kapistahan sa Sr. Sto Niňo sa Barangay Libertad ning syudad.