Malampuson nga gipahigayon ang Kick-off Program sa kasaulugan sa Consumer Welfare Month ug Elderly Filipino Week sa Riverpark ning syudad, kagahapon. Usa ka misa ang gipahigayon sa Saint Joseph Cathedral nga gitambungan sa mga elderly, government agencies ug mga stakeholders. Human sa misa, nag tapok sa Guingona Park para sa Walk for Life ug nagbaktas hangtud sa Riverpark. Sa mensahe nga gipaabot ni Department of Trade and Industry Caraga Regional Director Gay Tidalgo nga ginasaulog ang Consumer Welfare Month matag Oktobre para mapadumduman ng mga konsumante sa ilang katungod. "So today is the beginning of a one-month celebration of not only for the elderly but also with our consumers. Sa mga kauban nakong senior citizens and consumers we will continuously give room for you to be informed. Kung unsa may mga kalihukan sa opisina, mga programa especially sa atong mga consumers and senior citizens we will continuously give information,” sumala ni Director Gay Tidalgo, Regional Director, DTI Caraga. Gawas niini, aktibo sab nga nisayaw ang mga elderly, government agencies, ug mga stakeholders sa Zumba. Nipartisipar sab ang mga elderly sa trivia nga gi-andam sa PhilHealth Caraga, ug Department of Trade and Industry Agusan Del Norte ug Caraga nga nakakuha sila og mga premyo. Nagpahigayon sab og service caravans NCSC Online SC Registrations, PhilHealth - Membership and KonSulTa Registration, ug DTI - Consumer Info Drive and Other Services nga gi-avail sa mga elderly. Ang aktibidad gipangunahan sa Department of Trade and Industry Agusan Del Norte ug Caraga, ug City Social Welfare and Development Department kauban ang Office of the Senior Citizens Affairs.