Nibisita sa LGU Butuan sa pagpanguna ni Mayor Ronnie Vicente Lagnada ang Consulate General of Malaysia sa Davao City nga gipangunahan ni Hon. Deddy Faisal Bin Ahmad Salleh uban sa iyang team, miaging semana. Gidayeg sab sa grupo ang kadumalahan ni Mayor Lagnada sa lokal nga panggamhanan sa Butuan tungod sa nakitang dakung kausaban sa syudad. Sa natigayong courtesy call, nahisgutan ang parehong interes ug oportunidad pinaagi sa collaboration tungod sa gipalambo nga linkages sa hisgutanang cultural exchanges ug tourism, investment exchange ug community services initiatives. Gipresenta sab ni Mayor Lagnada ang mga planong proyekto ug partnership sa international ngadto sa mga bisita ug tungod niini dako ang posibilidad nga usa sa mahimong partner ang Consulate General of Malaysia sa Davao City alang sa pagpataas sa ekonomiya sa syudad sa Butuan.