Mibisita ang delegasyon sa Kongreso sa nasud sa pagpanguna ni House Speaker Ferdinand Martin Romualdez sa United States Congress. Usa si Butuan-Agusan del Norte 1st District Representative Jose Aquino II sa nahilakip sa delegasyon sa Kongreso. Sa nasangpit nga pagbisita nakahigayon usab si Congressman Aquino sa pakighimamat kang US Representative nga si Young Kim, Chair sa House of Foreign Affairs Subcommittee sa Indo-Pacific sa ika 118th Congress. Lakip sab sa delegasyon sila Majority Leader Manuel Jose Dalipe, Deputy Speaker Aurelio Gonzales Jr., Congressman Tobias Tiangco, House Secretary Reginald Velasco ug Philippine Ambassador sa US Jose Manuel Romualdez. Tinguha sa mga opisyal sa nasangpit nga byahe nga mapalawman ang hisgutanan nga ma-underlined ang importansya sa defense ug security engagement isip key foundation sa Philippine-US bilateral relations.