Nagpasalamat ang mga kadagkuan sa Caraga State University sa paningkamot ug dedikasyon ni Congressman Jose Aquino II human nga nakakuha og 100 million pesos nga pondo sa National Government alang sa konstruksyon sa College of Medicine Building sa Caraga State University. Alang sa CSU kini nga kalampusan usa sa pagpakita sa dili matarug nga suporta alang sa commitment padulong sa pagpauswag sa education ug healthcare services sa syudad sa Butuan ug sa tibook rehiyon. Sumala sa CSU lauman nga sa mosunod nga henerasyon makabaton na ang syudad sa Butuan og skilled healthcare professionals nga moamuma ug mahatagan og gahum alang sa kaayuhan sa katilingban. Personal sab nga gitimbaya ug gidayeg ni Mayor Ronnie Vicente Lagnada si Congressman Aquino sa kaabtik niini ug pagpursige nga makakuha og pondo sa pagpalambo sa edukasyon sa syudad tungod usa kini sa gitutukan sa lokal nga panggamhanan nga makabaton ug makahatag og maayong healthcare services. Nagpasalamat usab ang CSU sa collaboration sa lokal nga panggamhanan sa Butuan pinaagi ni Mayor Ronnie Vicente Lagnada ug Department of Health pinaagi ni DOH Regional Director Dr. Cesar Cassion ug uban pang personalidad ug stakeholders nga mipaluyo sa pagpalambo sa serbisyong panglawas sa syudad sa Butuan ug sa tibook rehiyon sa caraga.