Malampuson nga natapos kagahapon sa hapon ang duha ka adlaw nga communication plan workshop nga gipangunahan sa City Public Information Office kun City PIO. Mitambong niini ang mga planning officers gikan sa managlahing opisina sa LGU Butuan. Ang aktibidad nag tumong nga matabangan ang mga planning officers sa LGU-Butuan sa pagsulat og Communication Plan aron insaktong mapaabot sa katawhan ang mga proyekto ug programa sa Lokal nga Panggamhanan sa Butuan. "Activities, programs and projects, kinahanglan gyud nato na siya I advocate, kinahanglan nga ato na siyang i-communicate for deeper appreciation both internally and externally otherwise everything will go to waste" sumala ni Owen Ducena, CHRMO Head, LGU Butuan. Gawas sa lecture mahitungod sa objectives sa Communication Plan nahatagan sab og higayon ang mga partisipante nga ipresenta ang ilang hinimu nga Communication Plan.