Mibisita ang Commission on Election Butuan City kun COMELEC Butuan City sa duha ka Barangay sa syudad sa Butuan para na sa Satellite Voter Registration niadtong Marso dos ug nuebe. Gipahigayon ang Voter Registration sa Barangay Dulag Covered Court ug Barangay Maguinda Covered Court. Upat ka Barangay ang nakabenipisyo niini niadtong Marso dos nga gilangkuban sa Barangay Dulag, Manila de Bugabus, Amparo ug Bugabus (MJ Santos). Laing upat sab ka barangay niadtong Marso nuebe nga gilangkuban sa barangay Maguinda, Mandamo, Florida ug Sumile. Dagsa ang mga residente sa covered court kung aha naka ilawom ang ilang barangay sa tumong nga ma rehistro o maka pa change status o address sila. Ang Satellite Voter Registration usa ka aktibidad nga gipangunahan ug gihingusgan sa COMELEC Butuan sa katuyuan nga mapadoul ug mapasayon sa mga residente sa Butuan labi natong layo nga mga Barangay nga ma rehistro ug ma practice ang ilang katungod sa pag pili karong umaabot nga piniliay.