Gilusad sa Police Regional Office (PRO)13 uban ang COMELEC13, Philippine Army, ug Philippine Coastguard ang kick-off ceremony sa mga COMELEC checkpoints para sa Barangay at SK elections sa 3rd Platoon, Butuan City Mobile Force Company sa Barangay Bancasi ning syudad, alas dose uno sa kaadlawon, Agosto 28. Sumala ni PRO13 Regional Director PBGen Kirby Kraft, muabot sa 158 nga pulis ang nakadeploy sa mga Comelec Hubs para sa mga kandidatong mag file sa ilang Certificate of Candidacy nga nagsugod na adtong Lunes. Dunay 224 ka police officers ang maghatag seguridad sa transportasyon sa Comelec logistics. Sa karon, dunay 75 ka tropa ang anaa sa mga border control points ug 1,018 ang naka posisyon isip Quick Response Teams. Sa mismong adlaw sa eleksyon, dunay 2,698 police officers ang ma assign aron maghatag og seguridad sa 1,349 polling centers sa tibuok rehiyon. Dugang pa ni PBGen Kraft, dunay 39 checkpoints ang ibutang sa mga election areas of concern. “I have given my marching orders to our chiefs of offices and all station commanders to fully ensure that all actions taken are within the boundaries of the law and with respect to human rights. All personnel are obliged to clearly communicate the purpose of the COMELEC checkpoint to the public, explaining that it's to ensure security and maintain order,” pahayag ni PBGen Kirby Kraft, RD, PRO13. Gipangunahan ni PBGEN Kirby John Kraft, (PRO)13 Director, kauban sila Atty. Francisco Pobe, Regional Election Director, COMELEC 13, LTCol Jeffrey Balingao, Commanding Officer, 23rd Infantry Battalion, Philippine Army, ug CG COMMANDER John Alfwell Saarenas, Northeastern Mindanao ang paglusad sa Comelec checkpoints.