Kamulo na ang pagpangandam sa Commission on Elections Butuan kun COMELEC Butuan alang na sa Nationwide Voter Registration nga magsugod karong Pebrero 12, 2024 hangtud na Setyembre 30, 2024. Daghan ang mga aktibidad nga giplano sa COMELEC Butuan para ma rehistro ang indibidwal nag edad 18 anyos pataas ug ang kampanya sa importansya sa pagpa rehistro. Gawas sa voter registration duna sab mga nakalinya nga aktibidades. Kini gilangkuban sa registration education, registration fair, ug satellite registration sa mga ka baranggayan. Han-ayon una sa COMELEC Butuan ang schedule sa mga tulunghaan ug ang pagbisita sa mga barangay sa syudad sa Butuan. Gibana-bana sa COMELEC Butuan sa pagpanguna ni City Election Officer Atty. Tristan Niog nga madugangan og 3000-4000 ka voters ang magparehistro asa dunay kapin kun kulang 228,000 ka voters ang syudad. Gawas sa voter registration gitanyag sab ang lain pang serbisyo sama na sa transfer of voter registration record, change/correction of information, reactivation of record, inclusion/reinstatement of record in the voters list. Gi-awhag ni City Election Officer Atty Tristan Niog nga gawas sa registration sa opisina sa COMELEC, pwede sab sila moadto o magpaabot sa announcement sa Barangay Kapitan alang sa Satellite Registration sa ilang barangay. Follow us: https://www.facebook.com/butuancitypioofficial https://www.youtube.com/c/ButuanCityPIOOfficial https://www.instagram.com/butuancitypio https://twitter.com/ButuanPIO https://www.tiktok.com/@butuanpio #ButuanON #ACityAscending