Nasakmit sa Cluster 2 ang kadaugan sa Inter-Barangay Cluster Basketball Competition sa FSUU Gym ning syudad, miaging semana. Gilangkuban kini sa Barangay Golden Ribbon, Maon, Pangabugan, JP Rizal, Imadejas, Tandang Sora, Bayanihan, Villakananga, ug San Vicente. Walo ka Clusters ang nagtigi sa Inter-Barangay Cluster Basketball Competition. Isip kampeon, midawat ang Cluster 2 sa Plaque of Recognition ug 150,000 pesos nga cash prize. First place ang Cluster 7 nga midawat og Plaque of Recognition ug 100,000 pesos samtang second place ang Cluster 4 ug nakadawat og Plaque of Recognition ug 75,000 pesos. Gikalipay sa mga supporters sa Cluster 2 human midaug sila sa score nga 87 versus sa 77 points sa Cluster 7. Ang Inter-Barangay Cluster Basketball Competition usa ka tinuig nga kalihokan nga gimugna aron mapalig-on ang panaghiusa, sportsmanship, ug aktibong panglawas sa mga kabatan-onan ug residente sa barangay. Ang kalihukan gipangunahan sa City Education Development Department.