Gipatuman na sugod kagahapon February 28, ang Comprehensive Land Use Plan (CLUP) 2019-2028 ug SP Ordinance 6704-2022 kun Zoning Ordinance sa dakbayan sa Butuan. Ang CLUP usa ka komprehensibong plano nga gibuhat sa lokal nga panggamhanan aron mapuslan og insakto ang paggamit sa yuta nga ginsakupan sa iyang boundaries. Ang Zoning Ordinance ang instrumento sa pagpatuman niini. Gitinguha nga makab-ot ang malungtaron nga pag-uswag ug paglambo sa dakbayan pinaagi sa malampuson nga pagpatuman sa spatial strategies sa CLUP. Subay sa Ease of Doing Business, ang buhatan sa City Building Management Department (CBMD) na ang modawat sa mga mosunod nga application: -Locational Clearance (for Building Permit) -Zoning Verification (for Occupancy Permit) Apan samtang anaa pa sa transition period ug nagpaabot pa sa pag apruba sa Zoning Ordinance Implementing Rules and Regulations kun IRR o pagkahuman sa duha ka bulan (kung unsa man ang mauna), magpadayon ang City Planning and Development Department (CPDD) sa pagdawat niining mga application. Alang sa dugang kasayuran, pwede kamo mobisita sa website: https://www.butuan.gov.ph/comprehensive-development-plans o i-scan ang QR code. Kung aduna kamoy mga pangutana, mamahimong mobisita sa opisina sa CPDD nga anaa sa 3rd Floor, Butuan City Hall, Brgy. Doongan, Butuan City o mag-email sa [email protected].