Malampusong napahigayon ang Audit Closing Meeting alang sa Internal Audit Engagement sa duha ka mga buhatan sa City Government sa Butuan nga gilangkuban sa City Engineering Department (CED) ug City Disaster Risk Reduction Management Department (CDRRMD), April 19 sa OCM Conference Room 2. Gihisgutan sa nasangpit nga meeting ang mga obserbasyon sa City Internal Audit Services Department kun CIASD nga gipanguluhan ni Ma. Rebecca Plaza, CPA, isip OIC ug sa mga Internal Auditors ang aspeto sa management, mga risk, mga proseso ug mga mando sa mga buhatan diin gihimuan kini og mga co-develop recommendation aron ma solusyonan kini nga mga obserbasyon. Nahisgutan sab sa meeting ang mga inputs gikan mismo sa miyembro sa City Audit Committee ug ilang pag approve sa mga lakang sa mga buhatan sa pag solusyon niini. Mikomitar sab ang mga Department Heads sa pagplastar niini. Gihingusgan ni Mayor Ronnie Vicente Lagnada nga kinahanglang paspas ang pag address sa mga risgo sa mga buhatan arun mas hapsay ug mas epektibo ang serbisyo sa panggamhanan. Mapasalamaton sab si City Vice Mayor Lawrence Lemuel Fortun tungod ang mga opisina na mismo ang ga hangyo nga sila i-audit aron maplastar pa ang ilang buhatan. Ang City Audit Committee gipangunahan ni Mayor Ronnie Vicente Lagnada isip Chairperson, City Vice Mayor Lawrence Lemuel Fortun, Vice Chairperson ug mga miyembro nga sila Konsehal Joseph Omar Andaya, Cromwell Nortega, Ehrnest John Sanchez. Naa usab sila Konsehal Rey Desiata isip pangulo sa Committee on Urban Planing and Infrastructure ug Gemma Tabada isip pangulo sa Committee on Disaster Risk Reduction and Climate Change Adaptation. Present usab ang SGV& Co. isip consultant sa panggamhanan.