Malampusong napahigayon ang Audit Closing Meeting alang sa Risk-Based Internal Audit (RBIA) Engagements sa upat ka mga departamento sa City Government sa Butuan miaging semana sa OCM Conference Room 2. Kini gilangkuban sa City Building Management Department (CBMD) nga gidumala ni Engr. Nelson Resus isip OIC, City Social Welfare and Development Department (CSWDD) sa pagpanguna ni Golda Pocon, City Environment and Natural Resources Department (CENRD) nga gidumala ni Engr. Albert Arcamo, ug City Information and Communications Technology Department (CICTD) nga gidumala sab ni Engr. Dennis Mallonga. Gihisgutan sa meeting ang mga obserbasyon sa City Internal Audit Services Department (CIASD) nga gipangulohan ni March Belle Lor, CPA. Ang mga Internal Auditors misusi sa aspeto sa management, mga risgo, mga proseso, ug mga mando sulod sa mga departamento ug naghimo sila og mga rekomendasyon aron matubag ang nasangpit nga mga obserbasyon. Gipresentar usab sa CIASD ang mga resulta sa Internal Control System assessment pinaagi sa Audit Rating System. Ang Internal Audit importante aron mahibaw-an ang mga kakulangon ug angayan nga palamboon sa sistema ug mga proseso sa nasangpit nga mga opisina. Lakip usab sa meeting ang mga input gikan sa mga miyembro sa City Audit Committee nga mihatag og pag-aproba sa mga lakang nga buhaton sa mga departamento aron masulbad ang mga obserbasyon. Mikomitar usab ang mga Department Heads sa pagpatuman sa mga solusyon niini. Sumala sa komprehensibong resulta sa audit, adunay daghang mga aspeto nga kinahanglang plastaron aron mas mapalambo pa ang paghatud sa serbisyo publiko sa matag departamento. Gi-ila kini sa mga department heads nga inisyatibo ug determinado sila sa pagpangita og mga oportunidad aron mahimung episyente ug mapa-optimize ang ilang mga proseso nga masiguro ang pag-align sa mga plano ug tinuig nga mga tumong ni Mayor Ronnie Vicente Lagnada para sa dakbayan. Gihingusgan ni Konsehal Joseph Omar Andaya ug Konsehal Cherry May Busa ang importansya nga dali nga maatubang ang mga risgo sulod sa mga buhatan aron mahimong hapsay ug epektibo ang serbisyo sa panggobyerno, labi na sa kaayuhan ug kalambuan sa katawhan sa Butuan. Kini isip pag suporta sa mga pamalakad ni Mayor Lagnada. Ang City Audit Committee kasamtangang gipangulohan ni Konsehal Joseph Omar Andaya isip OIC, uban nila ni Konsehal Cherry May Busa, Konsehal Cromwell Nortega, ug Konsehal Ehrnest John Sanchez. Mitambong sab sa meeting si City Human Resources Management Department (CHRMD) Head Owen Ducena ug ang nagkadaiyang consultants sa CGB para sa IT ug Human Resources.