Aprobado na sa mga miyembro sa Sangguniang Panlungsod sa pagpanguna ni Vice Mayor Lawrence Fortun ang SP Resolution no. 054-2023 o ang resolusyon sa pagtugot kang Mayor Ronnie Vicente Lagnada pinaagi sa City Government sa Butuan kabahin sa Contract of Affiliation COA tali na sa Father Saturnino Urios University FSUU kabahin sa ipahigayong Clinical Exposure sa FSUU Nursing Students sa Butuan Medical Center BMC ug City Health Office CHO. Nakalatid sa resolusyon nga mamahimong responsable ug maoy manguna sa pagdumala ang BMC ug CHO sa mga aktibidad, pagmugna sa rules, regulations, guidelines ug standards sa training sa mga estudyante base sa pag aproba sa Hospital Board ug Local Health Board ug ang paghatag sa mutual assistance kabahin sa practicum, research undertakings, management ug uban pang educational nga aktibidad. Kini nga programa subay sa giamyendahang SP Ordinance no. 3370-2008 nga pagtugot sa city government sa Butuan nga himuong pasilidad sa mga pagbansay sa mga estudyante ang BMC ug CHO sa mga health professional schools. Ang nasangpit nga resolusyon gipangunahan ang pagpangamahan ni City Councilor Eduardo Gonzalez, Committee Chair sa Health and Sanitation asa suportado sa tibook pwersa sa sangguniang panlungsod.