Nanguna si City Vice Mayor Lawrence Lemuel Fortun og basa og story para sa mga bata atol sa Summer Reading Class sa Library sa Butuan Central Elementary School kagainang buntag. Aktibo nga naminaw ug nalingaw ang mga bata sa gihatag nga story ni Vice Mayor Fortun. Ang Summer Reading Class ilawom sa Project SuRE nga maghatag og panahon sa mga bata nga Grade 1 to Grade 3 nga dili pa kantigo mo basa. Gibuhat kini sa tumong nga makab-ot ang tagline sa proyekto nga "Bawat batang Butuanon, ay bumabasa" ug masiguro nga nahatagan og kalidad nga edukasyon ang tanang bata. Mitambong sab si Konsehal Cherry May Busa asa nahatagan og panahon ang mga bata nga ma one-on-one og pabasa. Mapasalamaton si Rosalito Libres, OIC sa City Education, Literacy and Scholarship Office kun CELSO sa tanang nagpaluyo sa aktibidad labi pa nga mao kini ang ika upat nga hugna sa Project SuRE. Nanghinaot siya nga human sa usa ka semana ang mga bata nga nipailawom sa proyekto makaantigo na mobasa. Anaa ang presensya ni DepEd Superintendent Dr. Minerva Albis, mga magtutudlo, ginikanan ug volunteers. Gilauman nga mahuman Project SuRE karong Agosto 11, Biyernes.