Padayon ang pagbisita sa City Veterinary Office sa mga barangay sa syudad para na sa paghatag og libreng bakuna kontra rabies. Gihangyo ang mga bisitahon nga barangay hilabi na sa mga residente nga adunay binuhing iro ug iring nga ipabakuna na kini kontra rabies. Ugmang adlawa anaa ang mga personahe sa Barangay San Ignacio, alas 9:00 sa buntag hangtud alas 3:00 sa hapon. Mi-abiso ang buhatan nga ang mga binuhing iro ug iring nga pabakunahan kinahanglang nag edad tulo ka bulan pataas, wala nag luya, ug wala pud nakapaak. Mag hulat lamang ang ubang barangay sa schedule para sa bakuna kontra rabies.